අධික ශබ්දය නිසා ඔබට සදාකාලිකව බිහිරි බව උරුම විය හැකිය.
මීට අමතරව අධික ශබ්දය ට නිරාවරණය වීම නිසා ඇති විය හැකි අහිතකර ප්‍රතිඵල
- නින්ද නොයෑම
- අධික තෙහෙට්ටුව
- අවධානය අඩු වීම
- මානසික ආතතිය
- කාර්යක්ෂමතාව අඩු වීම.
ඔබත් දවසේ වැඩි කාලයක් ගත කරන්නේ
- අධික ශබ්ද සහිත යන්ත්‍ර සූත්‍ර සමග ද?
- අධික ශබ්ද සහිත වාහන වල ද?
- අධික ශබ්දයෙන් යුතු සංගීතය ට සවන් දෙමින් ද?
- හෙඩ් ෆෝන් මගින් අධික ශබ්දයෙන් යුතු සංගීතය ට සවන් දෙමින් ද?
- ශ්‍රවන ආරක්ෂක උපකරණ තිබුනත් ඒවා භාවිතා නොකරමින් ද?
- අධික ඝෝෂාකාරී ස්ථානවල ද?
එසේනම් ඔබ සිටින්නේ දැඩි අවදානම් තත්වයකයි.
ශබ්ද තීව්‍රතාව මනින ඒකකය ඩෙසිබෙල් (dB) යනුවෙන් හැඳින් වේ .
ඔබගේ සේවා ස්ථානයේ ශබ්ද තීව්‍රතාවය ඩෙසිබල් 85 ට අඩුවෙන් තිබීම සේවකයන්ගේ සෞඛ්‍යයට හිතකර වේ .
අධික ශබ්දය නිසා ඇතිවිය හැකි සදාකාලික බිහිරි බවින් වැළැකීමට මෙම උපදෙස් පිළිපදිමු .
- හැකි සෑම විටම අධික ශබ්දය ඇති ස්ථානවල ගැවසීමෙන් වළකිමු .
- අධික ශබ්දය ඇති සේවා ස්ථානවල දී ,සෑම විටම කනට ආරක්ෂිත උපකරණ පළඳිමු .
- සේවා ස්ථානයේ ශබ්දය හා අධික බව දැනේ නම් වහාම කළමනාකාරීත්වයට දන්වමු.
- සේවා ස්ථාන වල අධික ශබ්දයෙන් යුතු සංගීතය වාදනය නො කරමු .
- අධික ශබ්දය ඇති සංගීත ප්‍රසංග වලට නිතර නිරාවරණය වීමෙන් වළකිමු .
- අධික ශබ්දයෙන් හෙඩ් ෆෝන් භාවිතා නොකරමු .
- බස්රථ හා අනෙකුත් මගී රථ තුළදී අධික ශබ්දයෙන් යුත් සංගීතය වාදනය නොකරමු
Interested in Medicine and Nursing. We love to share our knowledge with you.
Be First to Comment