බොහෝ කාන්තාවන් මාසික ඔසප් වේදනාව සාමාන්ය දෙයක් යැයි සිතමින් නිහඬවම ඒ සියල්ල දරාගැනීමට පුරුදු වී සිටිති. නමුත් ඔබේ එදිනෙදා ජීවිතයේ වැඩකටයුතු වලට බාධා කරන තරමේ අධික වේදනාවක් ඇත්නම්, එය හුදෙක් "කාන්තාවක් වීම නිසා" විඳදරාගත යුතුම දෙයක් නොවේ. එය බොහෝ දෙනා නිසි ලෙස අවබෝධ කර නොගත්, එහෙත් සමාජය තුළ බහුලව දක්නට ලැබෙන "එන්ඩොමෙට්රියෝසිස්" (Endometriosis) නම් රෝගී තත්ත්වයේ පෙර නිමිත්තක් විය හැකියි.